#Panglugayawan: Enchanting Siquijor

Graziella Sigaya
Sep 24, 2021
3 min read

Sa pagpasimpalad sa iban nga rehiyon sa tulad nga panahon, ikapital mo gid anay ang imo irong. Amo dya ang isa sa mga natun-an ko ka dya nga tuig… oh, and that the floating white dots you see when you look at the sky are actually your white blood cells.

Kang nagtabid ako kanday cousin mag-uli sa Siqiujor, ikaduha ko pa lang dya nga bisita sa mystic island. Ang una ko nga adto kang 2016 pa kang namista kami sa Maria. Waay pa Covid kato anay amo ra may pabayle pa sanda. Sarayaw all night long. Ang bukon lang harandumon kato ang daskanay sa pila sa pier sa Dumaguete. Nakapanumpa gid takon nga indi run magtabok basta gani may pista bisan ano pa kanamit ang anda litson.

Fast forward to 2021…

And here I am in Siquijor island, again, during pandemic times, after 3 rapid antigen tests and a 3-day home quarantine. Gapasalamat kami nga kumpleto amon bakuna hay antigen lang ginpangayo ka namon sa border kang Negros Oriental bisan labay lang daad ang amon sa Dumaguete. Pagdungka ka RORO (hay waay dun byahe ang fast craft) sa Siquijor port, nagahulat dun ang munuglukit… bisan alas 10 sa gabii amon abot kag nakapalukit man sa Kabankalan katong aga lang. Malukit gid tanda angud. Pagkatapos namon magpahimuyong sa (Sand1)hostel for the required quarantine days, may lukitanay naman liwat. Ang manami lang hay waay kami bayad sa antigen tests nanda giya. Pangabayon mo lang nga bukon chief embalmer kang Ancient Egypt sa ana past life ang mabu-ol ka imo specimen hay makalab-ot sa utok ang ana turasok.

(Ah, excuse me, sir.. I know I look dead inside, but I’m not ready to be mummified.)

Karon ang pamangkot, is the island worth all that turasok? Huod gid lang eh, lintoks! For maximun enjoyment sa panglugayawan kag sa iban pa nga hirikuton, lawiglawigon nyo gawa inyo tinir sa isla, bisan sangka semana lang (kun maabtan kamo ka lockdown, te extended vacation eh). Igu lang dan nga magmara ang imo hinalay kun manglaba ikaw hay ginkabos ang balon mo nga pang OOTD. Bastante man tanda gi sa tubig, kag sa oras. Kilala ang Siquijor sa ana mga white-sand beaches kag underwater sanctuaries… (and that other stuff). Nagateren-teren lang ang mga resorts, hostels kag resto bars giya sa San Juan. Masubo lang garing nga nagsarado dun ang iban kananda. Ang Enchanted Balete tree gani daw waay run ginadagsa, nagutman dun to basi ang mga isda nga nawad-an kang kahig nga kiritkiton. Ang duro nga nagburukas ang mga grocery stores. Essential tanda mo. Kun gusto mo magdaha-daha te panaw-panaw kaw lang gamay raku man giya munuglab-as. Bastante tanda sa isda. Kun gusto mo pa gid magpatad sa lotto, bastante man tanda sa lottohan. Amo dan bala ang hambal nga kun may nagsara, may nagabukas.

Good thing the beach is always open…

Hay bukon it raku ang turista tulad nga ururanon nga bulan, makapakuno-kuno gid ikaw nga imo lang ang beach... ala Castaway ukon Temptation Island man ang imo drama. Kamo-kamo lang ang galangoy mo. Makapaayaw ka pa tiktok sa audience mo nga mga ayam kag crustaceans. Mga public beaches ang amon ginpang-adtunan para entrance "free".

Luwas sa mga beach, kun gusto mo magpabugnaw hay daw ginaabot ikaw ka imo hot flushes, may Bolo Bolo Cold Spring sa Lazi nga pwede pahuroman. Instagrammable pa ang kabatuhan...halong lang nga indi madanlog.

Kun bukon bodies of water ang imo timo huyog, may mga bukid, wayang kag kagulangan ka man nga pwede tarison. Pwede ka man gani kapanaka ka batu kun amo dan trip mo. Panabi-tabi lang sa ginaagyan hay daw pang slasher horror movie ang vibe. Imbes nga beach body kita ka dya nag body horror ang eksena.

ree — Aragyan pa BoloBolo Spring (with cousin Karen, "Ang asawa ko po ang taga-dito")

ree — "The world's a forest, in which all lose their way; though by a different path each goes astray." - George Villiers

Kag kun nakapoy dun ikaw ka panughot kung diin nga hilit-hilit ang waay mo pa na-instagram, may mga pwede mapahunay-hunayan nga makakuyam-kuyam ka pa, kapin pa gid kun ginatamad kaw run magdaha. Indi lang gid pagdalii ang inyo gin-order, bastante tanda sa oras. Bawi man ang hulat hay manamit run ang food (hmn, may lakut pa guro nga orasyon) bahul pa ang serving. Good for sharing!

Kape de Guyod - for great tasting coffee
Mr. Sumo - for sushi, ramen and milk tea
Treasure Island - for pizza, pizza, pizza

And finally, let’s not forget about the sunsets… ang sunset sa Siquijor may lain nga enchantment. I was told nga kang pre-covid times ginadagsa ka mga turista ang sunset sa kilid ka baybay. Basta waay lang uran, gapuganggang gid man ang langit ka Isla del Fuego. One can never get enough of sunsets.