Two old poems, short & dark

Giya ang iban nga receipts on how dark I was kang college... and I thought I was being romantic or something hilarious. GCQ dun kami gi pay waay man angud ako nakadugang kuris ka bag-o nga poem... Mayad duman dya maubos ko sanda post gi agudto mapiritan magsulat liwat.

Aboy-Aboy

30 August 1996

Daan nga patadyong

Sarang pa mapuslan

Isulod ang bata

Kag ipakabit sa burong-bungan

Gamay nga bulya-bulya

Gamay nga kanta-kanta

Agudto makaturugan ang bata.

Itum nga plastic sa basura

Sarang man mapuslan

Isulod ang bata

Kag ipilak sa basurahan

Gamay nga bulya-bulya

Gamay nga buyayaw

Agudto ang bata

Indi run magbugtaw.

---

Handumanan

30 January 1997

Pebrero katurse

Ikaw nagpanaw

Nga waay it burubalikid.

Ang ginbilin mo kanakon

Kasing-kasing nga ‘santunga

Pang-inuino nga buka

Kag busong nga magahabok

Habok nga daw tadyaw.

Sa tadyaw ko ilubong

Ang imo handumanan.

#poetry #oldpoem #kinarayapoem