The ONE that started it all

Pareho sa kalabanan, waay ako nag-umpisa sulat sa Kinaray-a... English kag Filipino lang, the way I was taught in school. Until I met her... kag nabatian ang nagaragumu nga "Indi tanan nga pilas mabulong ka balunggay".. or something like that. Nalipat man ako ka exact title ka poem nga ginbasa na katong adlaw, indi ko malipatan ang pagsurok-surok ka nakon ka realization nga "uyun mo man bala magkuris-kuris, insa indi kaw kasulat sa Karay-a?"

Gani amo dya nasulat ko, gin pattern ko sa una nga Karay-a poem nga nakapamarasmas ka nakon. Salamat sa inspiration, Maria Milagros Geremia-Lachica.

Indi Tanan nga Tamawo Nagapuyo sa Talon

10 August 1996

(revised 26 April 2005)

“Paning!

Uli run! Hinugay panughot-sughot sa talon

Ikabuol ‘kaw gani ka tamawo

Maan kanimo.”

“Insa, ‘Nay haw?”

“Ay! Waay ‘kaw kamaan?

Ang mga ginatago ka tamawo

Indi run gawa kauli

Pirahan pa ka adlaw, semana, bulan

Kun kaisa gani ginatuigan.”

“Ti, ‘Nay, kun amo

Si Tatay ginataratago man ka tamawo?

Laka lang mag-uli giya kanaton

Garing, daw waay man tana gapatalon.”

“Hay, Paning

Sa amo ka d’ya nga panahon

Indi tanan nga tamawo nagapuyo sa talon.”

#oldpoem #poetry #poems #firstone