Sa Gabii Nga Ururanon
- Graziella Sigaya
- Jun 27, 2021
- 1 min read
Updated: Aug 20, 2021
Munog ang uran kagab-i... ukon kaagahon dun to. Indi duman ako katurog kag ginapaiway ko daad ang magpamati sa Forensic Files. Namati dlang ako Our Planet nga docuseries.
13 July 2000
sa gabii nga ururanon
ang ramig
daw mga inumol
nga nagasapote
sa akon lawas
hay waay
ang imo mga butkon
nga magkunop kanakon.
Ang mga paka
anda ako ginakadlawan
hay kamaan sanda
nga sa anda kalakala
may isa pa ka paka
nga mamati
Pay ako
biskan magdaguob pa
ang bilog nga balay
sa akon siyagit
waay run ikaw
nga manglinti.
Komentar