Padar-i man Ako ka Bulak ay...

Flores de Mayo daad tulad kun waay lang pandemic. Ang poem nga dya reminds me of the times nga naga pangalyaw kami pangayo/pamuksi ka bulak nga inughalad. Indi ko gid malipatan ang mga kalachuchi nga ginatuhog kang silhig.

8 June 1997

Padar-i man ako bulak ay

bisan pinuksi lang

sa mga nagaturubo sa binit ka dalan

bisan ang bulak pinurot lang

sa mga nagakarahulog sa lupa

kag gintuhog ka silhig

bisan gani bariri

batunon ko

basta halin kanimo.

Padar-i man ko bulak ay

agudto bisan sa indi lang buhay

mabalikid ko man ang akon kabataan

katong mga adlaw nga ako pa

ang imo ginapadar-an

Agud bisan sa mugot nga tyempo

Akon malipatan ang kamingaw

Kang pagkabalo.