remembering Lola Tora
- Graziella Sigaya
- Jul 17, 2020
- 1 min read
Updated: Aug 22, 2021
Si Lola Tora (Adoracion Silvela-Sigaya) raku lang naman-an nga sugilanon (kag raku man ako naman-an nga inugsugid parte kana). May kanta pa to gani tana nga kada bagyo ko lang mabatian... kanugon nga sa mga gin estorya kag ginkanta ni lola kauna, gamay dulang tulad ang madumduman ko...
Tuwang-Tuwang
31 January 1997:Agwada
(revised 26 April 2005:)
Kang ginguro ang kahon
Nga ginabatangan ni lola
Sa ana bag-o nga hulot
Imaw kay lolo sa katubtuban
Maturo daad ang mga luha ko
Ugaring akon nadumduman
Ang ginhambal kanakon ni lola ka una:
Indi gid pagpabalunan
Ang minatay ka mga luha
Hay amu d’ya ang ana tuwang-tuwangon
Padulong sa kun diin man
Nga ana aradtunan.
Gani hinali ako nagtayhum
Agud ang luha mapunggan
Pay ginguripat ako ni nanay
Waay abi tana kamaan
Nga si lola ginbuligan ko lang
Ka tuwang-tuwang
Hay man-an ko gid
Nga waay si lola kaagi sag-ub
Kang tana buhi pa.
Isa sa mga regrets ko hay waay ko na document/record mga estorya nanday lolo kag lola... indi ko run madumduman ang iban tulad. Subo...
lain gd ang wisdom ka mga lola. how i wish i will grow old like our lolas, like wise women with a lot to tell...