Hilamon

Isa sa mga "experimental" poems ko kauna... kang nagapangita pa ako kang akon "voice".

Waay ko pa angud makita asta tulad.

16 November 1996

Mal-am nga maluya

Ang palad nagahumlad

Kaangay sa dahon kang hilamon

Sa tunga ka hardin kang daragkul nga baraligyaan

Nagapalimos sa sirak kang senintimos.

Bata nga tap-ingon

Lata ang ginakaptan

Kaangay sa gamut kang hilamon

Sa ingud kang bulak nga marabong

Nagapanigput sa lupa

Kang nabilin nga damog.

Mga hilamon sa taramnan

Ginagabot, ginahagbas

Ginalubong, ginapalayas

Ang magbato sa munoghilamon

Tapakan, hilo-an

Sunugon, dunuton.

Mga hilamon ang abono sa manggadan

Kag kumpay sa gamhanan.