Three Short Poems

San-o pa ako ayhan liwat nga abuton ka dya man?

Sa Tarog

30 January 1997

Una ta ikaw nakit-an

Nga nagatampi kang patadyong

Kag nagakuso ka lago

Kang nagpatubog takon

Ka karbaw namon

Sa sapa nga ginailigan

Kang tarog.

Ikaw nagyuhum

Ako namula

Kag giya nag-umpisa

Ang aton gugma.

---

Hampang

5 March 1997

Dali hampang kita

karon nga bukon pa it masingkal ang init

imaw kita malatay-latay sa kahon

sa tumpi ka uhot

mabalay-balay taton

lagsa ako sa taramnan

nga bag-o matapos garab

hibi lang kun makabulasot sa bangag

basta sa rum-an

padayunon ta liwat

ang hampang.

---

Dabuk

30 June 2000

(revised 26 April 2005)

Ginsilhig ko

ang imo pangako

kanakon

imaw sa mga laya nga dahon

sa amon ugsaran.

Sanda akon tipunon

sa sangka tumpok

kag tutudan

agudto ang aso

masamo sa hangin

kag ana isulat

sa panganod

nga giya lang ako

nagahulat kanimo.

#poetry #shortpoems #oldpoems #poemsinkinaraya