wild flower

Bulak nga Layaw

28 August 2000

waay ako kamaan

kun sa diin ikaw nga miyaok naghalin

kag kun paano ikaw nakaabot giya

ginlupad mo bala?

ginpanaw?

gindalagan?

ginlangoy ukon ginkamang?

kag insa sa tanan nga sarang mo matubuan

giya gid ang ginpili mo

sa binit ka dalan

waay it mabunyag giya kanimo

waay it maatipan

kung indi ikaw pagpuksion

ka mga bata agud hampangan

basi maharab ka pa kang baka

ukon magarab imaw sa hilamon

ugaring ikaw

isa ka bulak nga layaw

nga kanakon naga-imaw

sa pagpainit, pagpauran

pagpatun-og sa binit kang dalan

kag ako

ahaw yab-ok

sa imo pangguyahon

kag indi naton kinahanglan

ang pag-angga.