Bata, Hi-uma ang Imo Bibig

15 August 2000

Bata, hi-uma ang imo bibig

kun mahimo ihigot anay

ang imo mga yuhum

hay akon pa ukayon

sa baul kang mga handumanan

ang manugbuhi kang akon hirihiri

man-an mo kato anay

pareho kanimo indi ko man

mapunggan ang pagsarabud

kang akon karadlawon.

Bata, piyunga ang imo mga mata

indi ko gusto makita

sa imo kalimutaw

ang igpat kang akon nagligad

hay ang baul buhay run nabuta

sa dugang pa nga mga handumanan

kag buhay run nga natunaw

imaw sa naptalina

ang manugbuhi kang akon hiri-hiri…

Bata, parayo ikaw to’

indi ko gusto mahaklo mo

nga baho duok run ako.