Ang Adlaw

Hay tig-irinit dun tulad...

4 June 1997

kada tangra ko sa langit

ang adlaw nagangirit gid

daw waay lang abi tana kamaan

nga raku nga harigi

sa balay namon ang gin-anay

kag hagdan ang gingatong

pira run ka manok ang napulak

kag ayam ang nagbu-ang…

raku run nga bagyo ang nagtampuyong

kag linog ang nagtay-ug

sa balay namon

raku man nga kabugtuan ang nagbusong

kag bugto nga nalubong

nagsamo run ang luha sa sip-on

pay kada tangra ko sa langit

ang adlaw nagangirit gid.

daw waay lang abi ako kamaan

nga sa kada agi ka panganod

dayon ka adlaw palipod

kag durupan nga kusmod.