an attempt at a romantic poem

Amo daad dya basahon ko sa kasal nyo kang ginlihog mo ako, ging-ging. Garing nagdali ako makauli sa uma hay alas-6 dun basi mabayaan ako ka last trip. (Mayad lang waay ko nabasa ba...why so emo in the late 90s?)

Karantahon sa Pagtupa ka Uran Kanaton nga Duha

2 February 1997

Imawi ako

sa pagtipon kang gal-um sa langit

sa pag-ambon

masuray kita

sa pugtak-pugtak

nga tarithi

sa pagmunog

sautan naton

ang linagumba

sa ibabaw atup

sa pagbundak

kaptanay alima kita

nga marigos

sa tubig nga matinlo.

Kag sa paglaslas

ka uran

nga dara ka hangin

nga mapintas

may imaw ako

nga maligid

sa la-o.

#poetry #poems #rain